علم بنتي الادب
حكايات مالك السفير
قالت بصوت مكسور
مرة.
وإيه اللي حصل؟
جدتي قالتلي إنك قولتلها إني بضغط عليك، وإنك تعبت من المصاريف.
حسيت إني لو قعدت أكتر هنهار.
قعدت قدامها.
أنا عمرّي ما قلت كده.
ملك بدأت تعيط.
أنا كنت فاكرة إنك مش بتحبني زي زمان.
حضنتها.
ولأول مرة من سنين، بنتي حطت راسها على صدري وفضلت تعيط.
وأنا كنت بعيط معاها.
بعد دقائق، سألتها
مين الولد اللي جدتك قالتلي إنك ماشية معاه؟
بعدت عني ومسحت دموعها.
أحمد.
اتشد جسمي.
أحمد مين؟
زميلي.
بتخرجي معاه؟
لأ.
طب ليه قالت كده؟
ملك بصتلي باستغراب.
أحمد بيساعدني.
بيساعدك في إيه؟
سكتت.
ملك.
قالت
لما مكنش معايا أكل، كان بيديني من أكله.
أنا سكت.
ولما الجزمة بتاعتي اتقطعت، هو اللي جابلي واحدة قديمة من عند أخوه.
حسيت بوجع غريب.
الولد اللي أمي وصفته بأنه مش بيدرس كان في الحقيقة طالب متفوق زي ملك، وكان بيشتغل بعد المدرسة ساعتين في محل موبايلات عشان يساعد أمه.
سألتها
وجدتك كانت تعرف؟
هزت راسها.
أيوه.
وقالت إيه؟
قالتلي لو بابا عرف إني بكلم أحمد، هيمنعني من المدرسة.
هنا فهمت ليه أمي كانت بتستخدم الولد ده ضدي.
كانت بتبني قصة كاملة.
بنت ضايعة.
ولد سيئ.
فلوس ضاعت.
وبنت متمردة.
عشان لما أرجع
ألوم ملك.
وأصدقها.
لكن لسه سؤال واحد كان بيحرق دماغي
ال٣٢ ألف جنيه راحوا
فين؟
رجعت البيت في نفس الليلة.
أمي كانت مستنياني.
أول ما دخلت، قالت
الحمد لله إنك رجعت. أنا كنت خايفة عليك من البنت دي.
بصيتلها.
ملك قالتلي كل حاجة.
وشها اتغير.
قالتلك إيه؟
طلعت موبايلي وحطيته قدامها.
دي كل التحويلات اللي بعتها لك خلال خمس سنين.
سكتت.
فين الفلوس؟
قالت بسرعة
أنا صرفتها عليها.
ضحكت.
عليها؟
أيوه.
على الأكل؟
طبعًا.
والهدوم؟
أيوه.
والدروس؟
أيوه.
فتحت صورًا من المدرسة.
صورة لملك بالزي القديم.
صورة للجزمة المقطوعة.
صورة من ملف المساعدات.
وحطيتهم قدامها.
دي بنتك اللي كنتي بتصرفي عليها؟
بدأ صوتها يعلى.
إنت عايز تتهم أمك بالسرقة؟
أنا بسألك الفلوس راحت فين.
أنا ربيتك لوحدي بعد ما مراتك ماتت!
وأنا ما أنكرتش ده.
أنا اللي شلت بنتك!
وأنا كنت ببعت فلوس!
صرخت
الفلوس دي كانت قليلة!
بصيتلها بهدوء.
قليلة؟
وبعدين فتحت كشف التحويلات.
أكتر من مليون ونص جنيه خلال خمس سنين.
وشها اصفر.
قلت
ومفيش ورقة واحدة تثبت إن جزء كبير منهم اتصرف على ملك.
سكتت.
وبعدين قالت
الفلوس كانت بتروح في البيت.
