من اكبر حتزوجك
حكايات مالك السفير
لكن قبل ما يوصل لها
سمعنا صوت سيارات برا.
صفارات.
وصوت عم صابر
الشرطة يا حاج فؤاد!
وشه اتقلب.
بصلي.
إنت عملت إيه؟
ابتسمت.
اللي كان لازم يتعمل من زمان.
من أول ما خرجنا من المخزن، كنت بعت نسخة من كل الملفات للنيابة، وعم صابر كان مسجل المكالمة.
الحاج فؤاد حاول يهرب.
لكن الباب اتفتح.
ودخلت الشرطة.
حاول يضرب نار.
لكن حسام اندفع عليه.
وقع الم/سدس.
وفي ثواني، كان الحاج فؤاد متكلبش.
نادين انهارت في البكاء.
قربت منها وفكيت إيديها.
قالت
أنا آسفة.
قلت
ليه؟
عشان يوم الفرح
قاطعتها.
أنا كنت فاكر إنك سبتيني عشان الكرسي.
دموعها نزلت.
كنت أتمنى أقولك الحقيقة.
وأنا كنت أتمنى تثقي فيا.
بصتلي.
كنت خايفة أخسرك.
قلت بهدوء
المرة الجاية متخافيش لوحدك.
بعدها بشهرين، بدأت المحاكمة.
اتكشف إن الحاج فؤاد كان متورط في محاولة ق/تلي من سنتين، وإنه كان عايز يسيطر على شركات عيلتنا.
وحسام قدم كل التسجيلات.
أما نادين
فرفضت تسافر.
ورفضت تختفي.
وقفت قدام المحكمة وشهدت بكل اللي حصل.
الحاج فؤاد اتحكم عليه بالسجن سنين طويلة.
واتقفلت القضية اللي كانت مدمرة حياتي من سنتين.
لكن المفاجأة الحقيقية حصلت بعد أسبوع.
كنت في الفيلا.
قاعد في الجنينة.
نفس المكان اللي كان المفروض أتجوز فيه.
سمعت خطوات صغيرة.
البنت بنت أمينة ظهرت قدامي.
في
إيدها وردة.
قالت
عمو مراد.
ضحكت.
نعم يا عروسة المستقبل؟
قالت بجدية
أنا غيرت رأيي.
رفعت حاجبي.
ليه؟
قالت
عشان نادين بتحبك.
ضحكت.
ومن بعيد، ظهرت نادين.
كانت لابسة فستان بسيط.
قربت مني.
وقالت
ممكن أطلب منك حاجة؟
إيه؟
مدت إيدها.
نبدأ من جديد؟
بصيت لإيدها.
وبعدين مسكتها.
من غير أسرار؟
هزت راسها.
من غير أسرار.
بعد سنة
ما كانش فيه قصر فخم.
ولا تلتميت ضيف.
ولا عائلات كبيرة.
ولا موسيقى عالية.
كان فيه مكان صغير على النيل.
عيلة.
وأصحاب.
وبنت صغيرة بتجري حوالينا وهي بتزعق
أنا قلتلكم هتتجوزوا!
ضحكت.
وبصيت لنادين.
المرة دي
لما مسكت إيدي، ما بصتش للكرسي.
بصت لعيني.
وقالت
أنا اخترتك من أول مرة.
ابتسمت.
وأنا صدقتك المرة دي.
لكن قبل ما ندخل القاعة، وقفت قدامها.
وبصيت للبنت الصغيرة.
إنتِ فاكرة إنك السبب في الجوازة دي؟
هزت راسها بفخر.
طبعًا.
ضحكت.
لأ يا ستي.
وبصيت لنادين.
السبب إن واحدة في يوم فرحها اختارت تنقذني بدل ما تنقذ صورتها قدام الناس.
