في الاول الايام الدراسه
حكايات مالك السفير
بتتكلم عن إيه؟
لكن قبل ما يرد، وصل صوت عربية تانية.
عربية سوداء، نزل منها سكرتيري الخاص ومعاه اتنين من أفراد الحراسة.
أول ما شافوني، جري ناحيتي.
مدام… حضرتك بخير؟
تاليا ضحكت
مدام؟!
وبصت لماهر
هو في إيه بالضبط؟
أنا رفعت إيدي ووقفت السكرتير.
ولا كلمة.
وبصيت لماهر
لسه بدري.
في اللحظة دي، الساعة كانت قربت من تسعة ونص.
فاضل نص ساعة على الحفل.
ماهر فهم.
عينيه اتسعت.
الحفل…
قلت
أيوه.
تاليا سألت
حفلة إيه؟
ماهر حاول يمنعها
تاليا، روحي على القاعة.
لكنها لأول مرة ما سمعتش كلامه.
لا.
بصتلي
أنا عايزة أعرف إنتِ مين.
ابتسمت.
بعد نص ساعة هتعرفي.
دخلنا القاعة الكبيرة.
كل أعضاء مجلس الجامعة كانوا موجودين.
الدكاترة، رجال الأعمال، الصحفيين، وبعض الشخصيات المهمة.
وأنا دخلت من الباب الجانبي.
من غير حراسة.
من غير إعلان.
ووقفت في آخر القاعة.
تاليا دخلت بعدها بدقيقة.
وماهر وراها.
كان واضح جدًا إنه مش مرتاح.
رئيس مجلس الأمناء طلع على المنصة.
مسك الميكروفون وقال
النهارده بنبدأ سنة دراسية جديدة، ومعاها مرحلة جديدة في تاريخ الجامعة…
صفق الناس.
وبعدين قال
وقبل ما نعلن عن قرار مجلس الأمناء، أحب أشكر واحدة من أهم الشخصيات اللي ساهمت في إنقاذ الجامعة من أزمة مالية كانت ممكن تهدد مستقبلها بالكامل.
تاليا كانت قاعدة وهي مبتسمة.
واضح إنها فاكرة إنه بيتكلم عن عيلتها.
الرجل كمل
وخصوصًا التبرع الأخير، اللي
بلغت قيمته ثلاثين مليون جنيه.
القاعة كلها صفقت.
تاليا بصت لأبوها بفخر.
لكن أبوها ما صفقش.
كان باصصلي أنا.
رئيس مجلس الأمناء رفع ملف أسود.
التبرع ده كان مشروطًا بمراجعة كاملة لكل الحسابات والمناقصات والعقود داخل الجامعة.
وشه ماهر اتجمد.
وبعدين كمل
والمراجعة كشفت مخالفات خطيرة.
همهمة انتشرت في القاعة.
واحد من أعضاء المجلس قال
إيه اللي بيحصل؟
رئيس مجلس الأمناء قال
للأسف، في مبالغ اتدفعت لشركات وهمية، وعقود اتعدلت بعد اعتمادها، وفي ملايين خرجت من حسابات الجامعة بدون وجه حق.
ماهر قام واقف.
الكلام ده اتهام خطير.
الرجل بصله
وعشان كده مش هنكتفي بالاتهام.
رفع الملف.
عندنا مستندات.
في اللحظة دي، تاليا بصت لماهر.
عمي…
لكنه ما ردش.
رئيس مجلس الأمناء أكمل
وبعد مراجعة المستندات، مجلس الأمناء اتخذ قرارًا بالإجماع…
سكت.
وبعدين قال
