في رحله شهر العسل
مجرد خطة لقتلي أنا.
دول كانوا بيخططوا يمسحوا عيلتي كلها من الدنيا.
والأبشع؟
إنهم كانوا بيشربوا الشمبانيا اللي أبويا جابها.
على يخت أبويا.
وبفلوس أبويا.
وبيحتفلوا إنهم هيقتلوا بنته ويسرقوا ثروته.
وأنا؟
كنت واقفة لوحدي.
في نص البحر.
وسط ناس كنت فاكرة إنهم عيلتي.
وفجأة حسيت بالدوخة بتزيد.
الدواء اللي كان بيديهولي كل ليلة بدأ يغلبني تاني.
الحركة بقت تقيلة.
عيني بدأت تقفل.
الدنيا قدامي بقت ضباب.
ولحظتها فهمت إن الوقت بيخلص.
كان فاضل كام ساعة على نص الليل.
ماينفعش أواجه مروان وأهله وأنا بالكاد قادرة أقف.
وماينفعش أرجع للكابينة وأتصرف كأني ما سمعتش حاجة
لأن أول غلطة هعملها ممكن تكون آخر غلطة في حياتي.
لازم أفضل عايشة.
لازم أتصرف.
ولازم أخليهم يفتكروا إن خطتهم ماشية زي ما هما عايزين.
مسحت دموعي بسرعة.
وخدت نفس ببطء.
وبصيت ناحية الممر.
سمعت صوت خطوات بتقرب.
حد كان طالع على السلم.
اتجمدت مكاني.
لو مروان طلع دلوقتي وشافني
انتهيت.
لمېت كل قوتي، وسيبت السور، وبدأت أمشي ناحية الكابينة.
خطوة
وراها خطوة
ورجلي بتترعش تحت جسمي.
لكن في دماغي كلمة واحدة بس كانت بتتكرر
لازم أعيش.
وقبل ما أوصل للكابينة بثواني، سمعت صوت مروان من ورايا
حبيبتي؟
وقفت.
ما لفيتش.
إنتي كويسة؟
بلعت ريقي، وطلعت ابتسامة بالعافية.
لأني في اللحظة
دي فهمت حاجة أخطر من كل اللي سمعته
أنا مش بس لازم أنجو منهم أنا لازم أخليهم يندموا إنهم فكروا يقربوا مني أصلًا.
حبيبتي؟
صوت مروان جه من ورايا تاني.
ثبتُّ نفسي بالعافية، وحاولت أخلي صوتي طبيعي.
أيوه؟
إنتي كويسة؟ شكلك مرهقة.
لفيت له ببطء، وابتسمت.
البحر بس دوّخني شوية.
قرب مني، ومد إيده يمسك دراعي.
في اللحظة اللي لمسني فيها، جسمي كله اتشد.
ده نفس الإيد اللي كان ناوي يزقني بيها في البحر بعد كام ساعة.
بص في عيني وقال
طب تعالي ندخل ترتاحي.
هزيت راسي.
حاضر.
ومشيت جنبه.
كنت عايزة أصرخ.
عايزة أضربه.
عايزة أقول له إني سمعت كل كلمة.
لكن لأ
أنا كنت عارفة إن أول ما يعرف إني اكتشفت الحقيقة، مش هيديني فرصة أهرب.
دخلت الكابينة، وهو دخل ورايا.
حطيت إيدي على السرير وقلت
أنا محتاجة أنام شوية.
ابتسم.
نامي، وأنا هفضل جنبك.
اتجمدت للحظة.
لأ أنا عايزة أنام لوحدي.
ملامحه اتغيرت ثانية، لكنه رجع ابتسم.
براحتك يا حبيبتي.
