جوزي رماني في النيل
وأمي أخفت المفتاح في سلسلة.
السلسلة اللي طارق جابها لي بعد الجواز.
من غير ما يعرف إن المفتاح الحقيقي موجود جواها.
طارق كان فاكر إن السلسلة مجرد زينة.
وكانت أمي قبل مۏتها مجهزة كل حاجة.
أما أنا…
فكنت آخر شخص يعرف الحقيقة.
بعد كل اللي حصل، رجعت الإسكندرية.
المصنع اتفتح من جديد.
وياسين بقى شريكي.
وأول قرار أخدناه إننا نشيل كل صور الماضي من الإدارة.
مش عشان ننسى.
عشان نفتكر.
في يوم، كنت واقفة قدام البحر.
ياسين وقف جنبي.
قال
وحشتك ماما؟
بصيت للمية.
كل يوم.
وبابا؟
أكتر.
سكت.
وبعدين قال
سامحيني.
بصيت له.
على إيه؟
إني خبيت عنك.
ابتسمت.
وإنت سامحني.
على إيه؟
إني شكيت فيك.
قال
من حقك.
سكتنا.
وبعدين طلع من جيبه ورقة.
لقيتها في خزنة أبوكي.
فتحتها.
كانت رسالة من أمي.
فريدة، لو وصلتي للرسالة دي، يبقى أنا مش موجودة. عارفة إنك هتزعلي مني عشان خبّيت عنك حاجات كتير، لكني كنت عايزة أكبرك بعيد عن الخۏف. خلي بالك من ياسين. هو مش أخوكي پالدم، لكنه أخوكي بالقلب. ومتصدقيش أي حد يقولك إن العيلة هي الډم. العيلة هي اللي تفضل جنبك لما كل الناس تمشي.
دموعي نزلت.
كملت القراءة.
وحاجة أخيرة… لو يوم من الأيام وقع اللبن من إيدك، مټخافيش. إنتِ أقوى من أي حد حاول يكسرك.
ضحكت وأنا بعيط.
ياسين قال
إيه؟
ناولته الرسالة.
قرأها.
وبعدين قال
أمنا كانت عارفة.
كانت عارفة إيه؟
إنهم هيحاولوا يسمموكي.
بصيت له.
إزاي؟
كانت مجهزة كل حاجة.
بعدها بفترة، نتيجة التحاليل ظهرت.
ثبت إن المادة اللي كان طارق بيحطها في اللبن كانت بتسبب اضطرابات في الذاكرة والنوم.
لكن الحمد لله، ماكانش حصل تلف دائم.
الدكتور اتعاقب.
طارق اتحاكم.
وكاميليا دخلت في ق\ضية منفصلة، وبعد التحقيقات اعترفت بكل اللي تعرفه.
أما الطفل اللي في بطنها…
اتولد.
وكانت المفاجأة إن تحليل النسب أثبت إن الطفل مش ابن طارق.
كاميليا اختفت من حياتنا بعدها.
لكن الحقيقة كانت خرجت.
كل واحدة من الكدبات اللي عشناها سنين اتكشفت.
وفي يوم، وأنا في مكتبي الجديد، دخل ياسين.
كان ماسك ظرف.
قال
في حد باعتلك.
مين؟
مش مكتوب.
فتحت الظرف.
جواه صورة.
صورة قديمة جدًا.
أنا وأمي وأبويا.
لكن في طرف الصورة كان فيه شخص واقف بعيد.
شخص كنت متأكدة إني شوفته قبل كده.
قلبت الصورة.
وكان مكتوب
لسه في سر واحد محدش يعرفه.
بصيت لياسين.
