اخطر رجل في القاهره
حكايات مالك السفير
الورقة اتقلبت.
وفي ظهرها جملة تانية
أنا أمك.
ليلى وقعت منها الشنطة.
ونوال غمضت عينيها كأنها كانت مستنية اللحظة دي من سنين.
لكن قبل ما أي حد يتكلم…
الصورة اختفت.
وظهر تسجيل صوتي.
صوت المرأة نفسها
آسر… لو سمعتني، متفتحش الخزنة رقم 7.
ثانية صمت.
لأن اللي جواها مش سر عن أبوك.
ثم قالت
اللي
جواها… سر عنك إنت.
وفجأة…
باب القصر الرئيسي اتفتح لوحده.
ومن السماعات الداخلية طلع صوت امرأة
آسر…
أنا رجعت آخد ابني.
نوال همست
هي وصلت.
ثم بصت لي بخوف وقالت
ولو شافتك… هتعرف إن الخطة القديمة فشلت.
آسر لف ناحيتي.
خطة إيه؟
لكن نوال ما ردتش.
لأن من آخر الممر…
ظهرت امرأة تمشي ببطء.
وكانت شايلة في إيدها…
مفتاح الخزنة رقم 7 دخلت المرأة خطوتين جوه الممر، ولسه ماسكة مفتاح الخزنة في إيدها.
آسر رفع إيده للحراس
محدش يتحرك.
المرأة وقفت.
بصت له وقالت بهدوء
كنت عارفة إنك هتقول كده.
آسر قرب منها.
إنتِ مين؟
ابتسمت ابتسامة صغيرة.
السؤال الغلط.
أمال السؤال الصح إيه؟
رفعت المفتاح قدام عينه.
ليه أبوك خبّى المفتاح ده عندي؟
آسر اتسمر مكانه.
نوال بدأت تهز راسها بعنف.
متسمعهاش يا آسر.
المرأة بصت لنوال.
لسه بتخافي عليه؟ بعد كل السنين دي؟
نوال ردت بصوت مكسور
أنا وعدته.
وعدتيه بإيه؟
نوال سكتت.
أنا قربت منها.
قولي.
بصت لي، ودموعها نزلت.
وعدته إني لو رجع… هقول له الحقيقة.
آسر قال
حقيقة إيه؟
نوال أشارت لي.
إن البنت اللي قدامك…
سكتت.
مش هي اللي اتولدت هنا.
أنا حسيت بدوخة.
إيه؟
المرأة ابتسمت.
أخيرًا.
ثم حطت المفتاح في إيدي.
إنتِ الوحيدة اللي تقدر تفتح الخزنة.
آسر أخد المفتاح بسرعة.
ليه هي؟
المرأة ردت
لأن الخزنة مش بتتفتح بالمفتاح بس.
وأشارت إلى علامة صغيرة محفورة على المفتاح.
كانت نفس العلامة الموجودة على رقبتي.
آسر لاحظها لأول مرة.
العلامة دي…
المرأة قالت
مش علامة.
وسكتت لحظة.
دي رقم.
أنا لمست العلامة بإيدي.
رقم إيه؟
المرأة بصت لنوال.
قولي لهم.
نوال غمضت عينيها.
رقم الطفل.
آسر اتصدم.
طفل؟
نوال فتحت عينيها وقالت
كان فيه طفل رابع.
الصمت نزل على المكان كله.
ليلى همست
نوال… كفاية.
لكن نوال كملت
وآسر مش هو الطفل اللي فاكر نفسه هو.
آسر رجع خطوة.
يعني إيه؟
المرأة قالت
يعني لو فتحت الخزنة رقم 7…
وبصت لي مباشرة.
هتعرفي مين أبوكي الحقيقي.
ثم فجأة…
سمعنا صوت إنذار من الدور السفلي.
