المدير اجبرني
بصيت للخاتم في إيد الرجل.
يعني إيه؟
قال
الخاتم الأسود ما كانش علامة لشخص واحد. كان علامة لمجموعة كاملة.
فجأة، سمعنا صوت عربية بتقف قدام المطعم.
الضابط قرب من الشباك.
دي عربية الإسعاف.
جريت ناحية الباب.
الإسعاف جاي لحد هنا ليه؟
قبل ما يرد، دخل مسعف بسرعة.
مين صاحبة البيت اللي في العنوان ده؟
أنا رفعت إيدي.
أنا.
قال
إحنا جالنا بلاغ من الجيران.
قلبي وقع.
أمي حصل لها إيه؟
المسعف بصلي بحيرة.
الست موجودة، لكن…
لكن إيه؟
لقيناها فاقدة الوعي، وفي جنبها ورقة مكتوب عليها اسمك.
حسيت الدنيا بتلف بيا.
هي عايشة؟
لسه فيها نبض، ونقلناها للمستشفى.
جريت ناحية الباب، لكن الضابط مسكني.
هنروح كلنا.
وأنا خارجة، لمحت حاجة على الأرض عند مدخل المطعم.
ورقة صغيرة.
انحنيت وأخدتها.
كان مكتوب عليها
متدوريش على الخزنة 18 دوري على الشخص اللي عنده مفتاح 18.
بصيت في إيدي.
المفتاح كان لسه معايا.
رفعت عيني للراجل الكبير.
هو كان واقف بعيد.
لكن المفاجأة إن مفتاح رقم 18 اختفى من إيدي.
صرخت
المفتاح!
الكل وقف.
فتشت جيبي، شنطتي، الأرض.
مش موجود.
بصيت للراجل الكبير.
إنت أخدته؟
هز رأسه.
لا.
صاحب الخاتم قال
محدش يتحرك.
لكن سلوى فجأة قالت
أنا عارفة مين أخده.
بصينا لها كلنا.
قالت بصوت مخنوق
الشخص الوحيد اللي كان قريب منك وإنتِ بتقري الرسالة…
وسكتت.
ثم بصت ناحية مدير المطعم.
أنا اتجمدت.
مديري رفع إيده بسرعة.
والله ما أخدته!
الضابط فتش جيوبه.
مفيش حاجة.
لكن لما فتشوا مكتب المدير…
لقوا مفتاح رقم 18 فوق مكتبه.
الضابط مسكه، وبصلي.
يبقى لازم نعرف إزاي وصل هنا.
مديري كان بيبص للمفتاح بصدمة.
ثم قال جملة خلت كل الموجودين يسكتوا
أنا عمري ما شفت المفتاح ده قبل النهارده.
وفجأة، موبايل الراجل صاحب الخاتم رن.
رد.
وبعد ثواني قال
مين؟
سكت.
ثم قال بصوت متغير
مستحيل.
قفل المكالمة.
بصيت له.
مين؟
رفع عينه ناحيتي وقال
المستشفى اتصلت.
أمي؟
هز رأسه.
أيوه.
حصل لها إيه؟
قال
فاقت للحظات…
وسكت.
وقالت اسم شخص واحد بس.
مين؟
بص ناحيتي مباشرة.
اسم أبوكي اتجمدت مكاني.
أمي قالت اسم أبويا؟
الراجل هز راسه.
أيوه.
الضابط قرب منه.
قالت اسمه كامل؟
قالت اسمه وبعدها قالت جملة واحدة.
أنا قربت منه بسرعة.
قالت إيه؟
رد بصوت منخفض
قالت هو مش ميت.
حسيت إن رجلي خانتني.
مسكت أقرب كرسي وقعدت.
لا مستحيل.
