المدير اجبرني
أخيرًا السؤال الصح.
ثم أضاف
لأن الرجل اللي في الصورة مش هو الشخص اللي إنتِ فاكرة إنه أبوكي اتجمدت مكاني.
يعني إيه مش هو الشخص اللي فاكرة إنه أبويا؟
الراجل الطويل قرب خطوة، لكن صاحب الخاتم وقف بيني وبينه.
كفاية ألغاز. اتكلم بوضوح.
ابتسم الراجل.
الوضوح هيخلّيها تكره ناس كتير.
بصيت لسلوى.
أنا عايزة أعرف الحقيقة كلها. دلوقتي.
سلوى سكتت لحظات، وبعدها قالت
الصورة دي اتاخدت قبل ولادتك بشهور.
طيب مين الرجل اللي جنب أمي؟
والدك.
شهقت.
أمال هو يقصد إيه إنه مش الشخص اللي فاكرة إنه أبويا؟
الراجل الطويل قال
لأن الرجل ده كان اسمه الحقيقي مختلف عن الاسم اللي اتسجل في أوراقك.
حسيت إن الكلام أكبر من قدرتي على الاستيعاب.
وأمي كانت عارفة؟
سلوى هزت رأسها.
كانت عارفة جزء من الحقيقة.
وجزء إيه؟
سلوى بصت لصاحب الخاتم.
هو اللي لازم يقول.
بصيت له.
كان واقف ساكت، ووشه مليان توتر.
اتكلم.
أخد نفس طويل وقال
أبوكي الحقيقي كان شغال في مصنع كبير، واكتشف إن فيه حسابات ومستندات مخفية عن أصحاب المصنع. ولما حاول يكشفها، اختفى.
وبعدين؟
قبل اختفائه، سلّم أمك مفتاح الخزنة رقم 17.
مسكت المفتاح.
طب ليه مخبته كل السنين دي؟
لأنها كانت خايفة عليكي.
ضحكت بمرارة.
خايفة عليا لدرجة إنها خلتني أعيش عمري كله وأنا فاكرة إن أبويا مات في حادث؟
سلوى قالت
كانت بتحاول تمنعهم من الوصول ليكي.
الراجل الطويل فجأة قال
لكن اللي أمك ما كانتش تعرفه إن حد من أقرب الناس ليها كان بينقل أخبارها.
بصيت له.
مين؟
سكت.
وفجأة، موبايله رن.
طلع الموبايل، لكنه ما ردش.
الراجل صاحب الخاتم بص للشاشة، واتغير وشه.
الرقم ده
إيه؟
قال
الرقم ده كان بيتصل بأبوكي قبل اختفائه بيوم.
سألته
رقم مين؟
ناولني الموبايل.
كان الرقم مسجل باسم واحد فقط
العماد
قلت
مين العماد؟
سلوى قربت مني، وبمجرد ما شافت الاسم، حطت إيدها على صدرها.
مستحيل.
تعرفيه؟
قالت بصوت منخفض
ده اسم الراجل اللي أمك كانت بتثق فيه أكتر من أخوها.
سكتنا جميعًا.
ثم سمعنا صوت خطوات تقترب من المكتب.
الراجل الطويل همس
هو وصل.
قلت
مين؟
رد
العماد.
الباب اتفتح ببطء.
دخل رجل كبير في السن، لابس بدلة رمادية، وفي إيده عصا.
بص لنا جميعًا، وبعدين عينه وقعت عليا.
وقف مكانه.
وبصوت مرتعش قال
شبهها جدًا
أنا اتقدمت خطوة.
إنت مين؟
رفع عينه لوشي.
