خطيبي مات.
قلبي دق.
قالك حاجة؟
مرة واحدة.
قال إيه؟
قال لي لو حصل له حاجة، خدي بالك من مريم.
اتجمدت.
إيه؟
وقتها زعقت له. قلت له ماتقولش كلام وحش.
وهو رد إيه؟
خالتي سلوى بدأت عينيها تدمع.
قال لي في ناس مش هتسيبني لوحدي.
حسيت بضغط في صدري.
ليه ماقولتيليش الكلام ده قبل كده؟
لأن الدكتور قال أزمة قلبية. وكلنا صدقنا.
كلنا؟
سكتت.
قلت
مين ما صدقش؟
بصت بعيد.
أمك.
أنا اتجمدت.
أمي؟
أمك عمرها ما اقتنعت إن أبوكي مات طبيعي.
بس أمي ماتت بعده بسنتين.
هزت راسها.
وهي فضلت طول السنتين تدور.
على إيه؟
معرفش.
خالتي!
قالت بسرعة
والله ما أعرف. كانت بتقولي بس إن أبوكي سايب حاجة.
قلبي وقف لحظة.
حاجة؟
أيوه.
قالت إيه بالظبط؟
قالت عمرو ساب دليل، بس أنا معرفش فين.
بابا كان اسمه عمرو.
اتأكدت أكتر.
قلت
المفتاح.
خالتي رفعت عينيها لي بسرعة.
أي مفتاح؟
سكت.
دلوقتي أنا اللي اتوترت.
قالت
مريم، في مفتاح؟
قلت
بابا اداني مفتاح قبل ما يموت.
وشها فقد لونه.
عندك؟
آه.
مسكت إيدي فجأة.
ما ترجعيش البيت.
سحبت إيدي بصدمة.
إنتِ كمان؟
قالت
اسمعيني.
ليه؟
لأن أمك رجعت مرة البيت بعد وفاة أبوكي، ولقت مكتبه متقلب.
قلت
إيه؟
درج مكسور، ورق مرمي، ودولاب مفتوح.
ليه ماقولتش؟
قالت إن مفيش حاجة ناقصة.
يمكن كانوا بيدوروا على
لمحة نيوز
القائمة
search
خطيبي قبل فرحنا
الثلاثاء 15/سبتمبر/2026 – 01:47 م
لمحة نيوز
المفتاح.
خالتي سلوى سكتت.
وبعدين قالت
أو على اللي المفتاح بيفتحه.
اتجمدنا إحنا الاتنين.
بعدها خدت قرار.
قلت
لازم أرجع البيت.
صرخت
إنتِ مجنونة؟
لو حد هناك، يبقى لازم أعرف.
وليه تعرضي نفسك؟
مش هروح لوحدي.
سكتت.
أنا كمان.
لأن أول اسم جه في دماغي كان محمود.
كرهت نفسي على ده.
لكن كان الوحيد اللي فاهم اللي بيحصل.
اتصلت بيه.
رد فورًا.
مريم؟
تعالى خدني.
سكت ثانيتين.
فين؟
بعتله لوكيشن البيت.
بعد حوالي عشرين دقيقة وصل.
أول ما دخل وشاف خالتي، سلم عليها باحترام.
خالتي كانت باصة له باستغراب.
قالت
إنت
محمود اتوتر.
أنا قلت بسرعة
الموضوع طويل.
خالتي بصت لي.
قلت
محمود عايش.
وقعت على الكرسي.
فضلت حوالي دقيقتين مش قادرة تتكلم.
وبعدين قالت له
إنت موتها وهي عايشة!
محمود نزل عينه.
قال
عارف.
قالت
لأ. لو عارف، ماكنتش عملت فيها كده.
ما ردش.
قلت
خالتي، بعدين.
بصيت لمحمود.
هنروح البيت.
قال
لأ.
ما بدأناش.
ومش هنبدأ.
المفتاح هناك.
