الدخان
حكايات مالك السفير
عمي محمود.
نادين اتصدمت.
بس عمك كان في الفيلا!
سليم هز راسه.
وده اللي مخوفني.
الضابط سأله
تقصد إيه؟
سليم بص ناحية كاميرات الفيلا.
لو عمي هو اللي عمل كده… يبقى عنده حد بيساعده.
ثم نظر إلى ياسر.
والحد ده موجود جوه البيت.
ياسر فتح عينه.
مش مجرد حد…
سليم قرب منه.
مين؟
ياسر قال بصوت ضعيف
الشخص اللي كان معايا في الممر.
سليم اتجمد.
إنت شفت حد؟
ياسر أومأ.
أيوه.
مين؟
ياسر حاول يرفع إيده.
وأشار ناحية الفيلا.
كان لابس زي الحرس.
الضابط قال
كل الحرس تحت السيطرة.
ياسر هز رأسه.
مش حارس.
أمال؟
ياسر بص لسليم.
كان لابس زي الحرس… لكن صوته كان صوت حد من العيلة.
وفي اللحظة دي…
وصلت رسالة على هاتف سليم.
رقم مجهول.
فتحها.
كانت صورة لمريم.
الصورة متاخدة قبل دقائق فقط.
مريم كانت واقفة جنب النافورة.
سليم رفع عينه بسرعة.
مريم كانت لسه واقفة هناك.
لكن الصورة كانت من زاوية أعلى…
يعني الشخص اللي صورها كان قريب جدًا.
وتحت الصورة كانت رسالة واحدة
النار كانت مجرد البداية.
سليم مسك الهاتف بقوة.
وبص حواليه.
ولأول مرة…
ما كانش بيدور على الشخص اللي حاول يقتله.
كان بيدور على الشخص اللي قدر يقف بينهم…
من غير ما حد يشوفه سليم رفع عينه من على الموبايل، وملامحه اتبدلت تمامًا.
نادين لاحظت.
في إيه؟
سليم ما ردش.
بص لمريم.
وبعدين بص للنافورة.
وبعدين للضابط.
محدش يتحرك.
الضابط قرب منه.
ليه؟
سليم ورّاه الصورة.
الضابط اتصدم.
الصورة دي اتصورت إمتى؟
من دقايق.
الضابط بص حوالين المكان.
يبقى الشخص لسه هنا.
سليم أومأ.
بالضبط.
رجال الشرطة انتشروا في الحديقة.
نادين شالت مريم فورًا.
تعالي يا حبيبتي.
مريم حضنت رقبتها.
ماما، عمو سليم زعلان؟
نادين بصت لسليم.
عمو سليم خايف علينا.
مريم بصت له.
أنا مش بخاف.
سليم حاول يبتسم.
وأنا عارف.
لكن عينه فضلت بتدور في المكان.
فجأة…
واحد من رجال الشرطة صرخ
هنا!
الكل لف.
كان فيه باب صغير خلف شجرة الليمون.
الضابط فتحه.
وراء الباب كان ممر ضيق ممتد تحت الأرض.
سليم قرب.
ده الممر اللي ياسر اتكلم عنه.
ياسر، اللي كان لسه بيتحمل ألمه، أشار له.
أيوه.
الضابط نزل بسرعة.
وبعد لحظات رجع وهو ماسك حاجة.
جهاز تسجيل صغير.
لقيناه جوه.
سليم أخده.
شغله.
في البداية مفيش غير تشويش.
ثم ظهر صوت رجل.
صوت هادي جدًا.
لو سليم عاش… الخطة هتتغير.
نادين قربت.
ثم جاء صوت آخر
والبنت؟
