الشيخ ومراته
حكايات مالك السفير
الزوجة الجديدة قالت
دي سلسلة الشاب!
الشيخ هز رأسه
مستحيل السلسلة دي اتدفنت معايا وأنا صغير.
الرجل العجوز رد
لأ.
ثم أشار للصورة.
دي كانت مع الطفل التاني.
الشيخ لف له بسرعة
يبقى أنا مين؟
قبل ما الرجل يرد، جهاز التسجيل اشتغل لوحده.
وصوت والد الشيخ خرج من السماعة
لو بتسمع التسجيل ده، يبقى الاتنين كبروا وأنا فشلت إني أدفن الحقيقة.
الشيخ قرب من الجهاز.
الصوت تابع
الطفل اللي اتربى في القصر مش هو صاحب الاسم اللي مكتوب في أوراق العيلة.
ثم سكت التسجيل ثواني.
وبعدها قال
أما الطفل التاني فأنا أخفيته هنا، لأن الشخص اللي كان بيدور عليه كان مستعد يقتل أي حد يعرف مكانه.
الزوجة الجديدة بصت للشاب.
الشاب كان واقف مصدوم، لكن عينه راحت فجأة ناحية خزانة قديمة في آخر الأوضة.
وقال
أنا شفت الخزانة دي قبل كده.
الشيخ سأله
إمتى؟
الشاب حط إيده على رأسه.
وأنا صغير كان فيه راجل بياخدني هنا، وكان بيقولي إن المكان ده مش بيتي.
الزوجة الجديدة قربت منه
فاكر الراجل؟
الشاب سكت طويلًا.
ثم قال
فاكره.
الشيخ سأله
مين؟
الشاب رفع عينه ناحية المدير الواقف عند الباب.
وقال
هو.
المدير ما أنكرش.
لكنه قال جملة واحدة قلبت كل اللي عرفوه
أيوه أنا اللي كنت باخده من هنا.
ثم أضاف
بس مش أنا اللي خطفته.
وفجأة سمعوا صوت مفتاح بيلف في باب الأوضة من الخارج.
المدير بص للباب، ووشه شحب.
وقال
الشخص اللي كنت بخبيه منه عرف إنكم وصلتوا هنا الباب اتقفل فجأة، والمفتاح اتلف من الناحية التانية.
الشيخ جرب المقبض بعصبية
افتح الباب!
مفيش رد.
المدير قرب منه وقال
متضيعش وقت لازم نلاقي مخرج تاني.
الشيخ بص له بحدة
إنت عارف مخرج؟
المدير سكت ثانية، وبعدين أشار للخزانة القديمة.
وراها.
الزوجة الجديدة راحت للخزانة، وحاولت تحركها، لكنها كانت تقيلة جدًا.
الشاب ساعدها.
وبمجرد ما اتحركت الخزانة، ظهر جزء من الحائط مختلف عن باقي الحائط.
الشيخ لمس المكان.
ده باب؟
المدير قال
أيوه.
ضغط على حجر صغير في الحائط
فانفتح الباب ببطء.
ورا الباب كان فيه ممر ضيق نازل لتحت.
الرجل العجوز قال
ده الممر اللي أبوك كان بيستخدمه.
الشيخ بص له
وكان بيروح فين؟
للغرفة اللي اتخبى فيها الطفل.
الكل نزل.
بعد كام دقيقة وصلوا لباب حديد.
المدير أخرج المفتاح اللي كان معاه.
لكن قبل ما يحطه في القفل، الشاب قال
استنى.
