الشيخ ومراته
حكايات مالك السفير
وبعد ثواني قالت
ولو عايز تعرف الحقيقة كاملة افتح الدرج اللي تحت سريرها.
الشيخ بص للزوجة الجديدة.
ثم بص للمدير.
وبدون كلمة، خرجوا من الغرفة واتجهوا ناحية جناح والدته القديم.
لكن قبل ما يفتحوا الباب
الشيخ لاحظ إن مفتاح الجناح مش موجود.
والمدير قال
المفتاح كان معايا.
الزوجة الجديدة سألته
وكان فين؟
المدير بص لإيده الفاضية.
وقال
حد سرقه مني من غير ما أحس الشيخ فضل واقف قدام باب جناح والدته، وبص للمدير بنظرة شك.
يعني المفتاح اختفى من إيدك إزاي؟
المدير بلع ريقه وقال
مش عارف بس آخر مرة شوفته كانت من كام ساعة.
الزوجة الجديدة قربت من الباب، وبصت للقفل.
استنوا
انحنت وبصت للأرض.
كان فيه خدش صغير جدًا جنب القفل، كأنه حصل لما حد حاول يفتح الباب بأداة دقيقة.
قالت
المفتاح مش هو المشكلة حد كان بيحاول يدخل هنا قبلنا.
الشيخ سألها
وإنتِ عرفتي منين؟
رفعت عينيها وقالت
لأن اللي حاول يدخل ماكانش معاه مفتاح.
المدير اتوتر فجأة.
وفي اللحظة دي، سمعوا صوت خفيف جاي من جوه الجناح.
تك تك تك.
الشيخ قرب من الباب.
في حد جوه؟
مفيش رد.
ضرب الباب بإيده.
مين هناك؟
الصمت.
الزوجة الجديدة قالت بسرعة
ابعد.
ثم طلعت من شنطتها جهاز صغير كانت محتفظة بيه، ومررته على إطار الباب.
الجهاز أصدر صفارة قصيرة.
بصت للشيخ.
الباب اتفتح قبل كده النهارده.
الشيخ بص للمدير.
إنت قلت إن محدش دخل هنا.
المدير ارتبك
أنا كنت فاكر كده.
وفجأة
سمعوا صوت ست عجوز من داخل الجناح
متفتحوش الباب إلا لو مستعدين تعرفوا مين كان بيتحكم في كل حاجة.
الشيخ اتجمد.
الصوت كان مألوفًا.
مش صوت الممرضة.
ولا صوت والدته.
لكن صوت امرأة كان سمعه في تسجيل قديم جدًا.
الزوجة الجديدة همست
الصوت ده موجود في واحدة من التسجيلات اللي لقيتها.
الشيخ قرب ودنه من الباب.
مين إنتِ؟
جاء الرد
الشخص اللي أمك كانت بتخاف منه.
المدير تراجع خطوة.
لكن قبل ما حد يتكلم، الباب اتفتح من الداخل ببطء.
الغرفة كانت فاضية.
إلا من سرير قديم، وستارة تتحرك رغم إن الشبابيك مقفولة.
الشيخ دخل.
الزوجة الجديدة دخلت وراه.
وبصت تحت السرير مباشرة.
الدرج.
كان فيه درج خشبي صغير مثبت أسفل السرير.
لكن مفيش مقبض.
الشيخ حاول يسحبه.
ماتحركش.
المدير قال
الدرج ده مقفول من سنين.
الزوجة الجديدة بصت له.
وإنت عرفت منين؟
المدير سكت.
الشيخ لف له ببطء.
